Jaane kis des gaye pyaar nibhaane wale…

Namaa-bar apna hawaaoN ko banaane wale
Ab na aayeNge plat kar kabhi jaane wale

Kya milega tujhe bikhre hue khaaboN ke siwa
Ret par chaaNd ki tasveer banaane wale

Sabne pehna tha baRe shouq se kaghaz ka libas
Jis qadar log the barish mein nahaane wale

Mar gaye hum to ye katbay pe likha jaayega
So gaye aap zamaane ko jagaane wale

Dar O deewar pe hasrat si barasti hai ‘Qateel’
Jaane kis des gaye pyaar nibhaane wale…!

Leave a Reply

Your email address will not be published. Required fields are marked *