Us peh khul jati mere shoq ki shiddat saari

Us peh khul jati mere shoq ki shiddat saari
Daikhy hote jo mere paoun k chaale usne

Jis ka her aib zamaane sy chupaya maine
Mere qissay sar-e-bazaar uchaale usne

Jab use meri mohabbat pe bharosa hi na tha
Kiyun diye meri wafaoun k hawale usne

Meri dam torti khwahish ka khayaal aa na saka
Apne armaan hamesha hi nikaale usne

Aik mera hi to haath na thama usne
Warna girte huye kitne hi sambhale usne

Leave a Reply

Your email address will not be published. Required fields are marked *